1. ஒன் மெ𑌼த்திர்ல் இத𑌼ெ𑌼 பெ𑌼ணாக்கெ𑌼ன்ட𑌼ெ𑌼 மன்செ𑌼ன்ட𑌼ெ𑌼 ஒன்டெ𑌼 த்யால்க்க யரெ𑌼ங்கா பே𑌼செ𑌼க𑌼ெ𑌼. அதெ𑌼ர் உன்ல் ஒன் பெ𑌼ணாக்கெ𑌼ஙா கித்தாரெ𑌼 சப்பாங்க𑌼ி கே𑌼ப்பெ𑌼லா. ஆக𑌼ெ𑌼 ஒட்டயாளு யரெ𑌼ங்கா பெ𑌼ய்ட்டு த்யால் யரெ𑌼ங்க𑌼ெ𑌼 நெ𑌼ய்ராட்டு யரெ𑌼ங்க𑌼ெ𑌼 தர்ச்சித𑌼ெ𑌼க𑌼ெ𑌼. அன் ஒன்ட𑌼ெ𑌼 எ𑌼ச்செ𑌼 கே𑌼ட்டெ𑌼த𑌼ெ𑌼. அன் ஆள்க𑌼ெ𑌼 ஆ எ𑌼ச்சிய நல்லய கே𑌼ட்டெ𑌼க𑌼ெ𑌼. அன் ஆ எ𑌼ச்செ𑌼 பிலியெ𑌼 ம்யரெ𑌼 எ𑌼ச்செ𑌼 தனு. அன் ஆ ஆள்க𑌼ெ𑌼 எ𑌼ச்செ𑌼 மாட𑌼்ல்த𑌼ி பய்ய த்யால் இத𑌼ெ𑌼னு பொருமி ப𑌼ன்ட𑌼ெ𑌼க𑌼ெ𑌼. பொருமி ப𑌼ாட்டு நோட𑌼்ன் ஆ கித்தாரெ𑌼 கே𑌼ல்பட𑌼ெ𑌼 பெ𑌼ணாக்கெ𑌼ன் மாத்திரி பொருமி ப𑌼ன்லா.
2. அன் ஆ ஆள்க𑌼ெ𑌼 பின த்யால்லோக்க பெ𑌼ய்ட்னு ஆ பெ𑌼ணாக்கெ𑌼னா கண்ட𑌼ாட்டு த்யால் ஓக𑌼ி பிலியெ𑌼 ம்யரெ𑌼 எ𑌼ச்செ𑌼 கே𑌼ட்டமா, நங்க𑌼ெ𑌼 யரெ𑌼ங்க𑌼ெ𑌼 எ𑌼ட𑌼்ல் ப𑌼ாட𑌼மா நங்க𑌼ெ𑌼 கீர்க்க போக𑌼ா எ𑌼ன்ட𑌼ாட்டு ஆ பெ𑌼ணாக்கெ𑌼னா த்யால்லோக𑌼ி இத𑌼ெ𑌼னு பொருமி குய்ட்னு ப𑌼ன்ட𑌼ெ𑌼க𑌼ெ𑌼. பின இக𑌼ெ𑌼 பிலிப்பெ𑌼ல் இத𑌼ெ𑌼னு ஒட்டயாளு தப்பெ𑌼செ𑌼னு அதெ𑌼ர் கீர்க்க எ𑌼ட்ன் காட்டு பே𑌼செ𑌼க𑌼ெ𑌼.
Amutha malar
