கிக்கி பெ𑌼ன்பெ𑌼க𑌼ெ𑌼.

அக் கால்த்தெ𑌼ல் இத𑌼ெ𑌼 நங மன்செ𑌼ன் பெ𑌼ய்ர்க𑌼ாட𑌼ெ𑌼 ஓக𑌼ி தனு ப𑌼ாள்த𑌼்த𑌼ெ𑌼னு ப𑌼ன்னட𑌼ெ𑌼க𑌼ெ𑌼. அன் பெ𑌼ய்ர்க𑌼ாட்ல் கெ𑌼ட்டு பச் க்ய்லியா எ𑌼ட்செ𑌼னு, கிக்கி, மறி பின கிரிக𑌼ு கிக்கியா இசிரி பெ𑌼ன்டெ𑌼னு தங் கீரி அவெ𑌼செ𑌼க்க எ𑌼ட்சோட்டெ𑌼க𑌼ெ𑌼. ஆண த𑌼ாரெ𑌼 அங்க𑌼ய்ர்த்தெ𑌼லா மாறெ𑌼க𑌼ெ𑌼 இலுமு. இன இப்பெ𑌼 ஆள்க𑌼ெ𑌼 ஒன்னொன்ட𑌼ெ𑌼 ஆள்க𑌼ெ𑌼 இன கிக்கி இசிரி பெ𑌼ன்டொட𑌼ெ𑌼க𑌼ெ𑌼. கிக்கி மறி பெ𑌼ன்டெ𑌼னு அங்க𑌼ய்ர்த்தெ𑌼லா மேறொட𑌼ெ𑌼க𑌼ெ𑌼. அர்த𑌼்த𑌼ாள்க𑌼ெ𑌼 மெ𑌼த்திர்ல்ல தன்ன மாறெ𑌼க𑌼ெ𑌼. பின ப𑌼ே𑌼ராள்க𑌼ெ𑌼ர்க்க மேறொட𑌼ெ𑌼க𑌼ெ𑌼. அக𑌼ெ𑌼 அதெ𑌼ர் கிய் தொலிலிய ப𑌼ுட்டால்த𑌼ி இன கிஜொட𑌼ெ𑌼க𑌼ெ𑌼.